जनतापत्र, काभ्रेपलाञ्चोक — काभ्रेपलाञ्चोकको पाँचखालमा यात्रुवाहक बसको ठक्कर लाग्दा एक व्यक्तिको मृत्यु भएको छ। पाँचखाल नगरपालिका–४ का ६५ वर्षीय तीनधारेका माइला भनिने दिलबहादुर श्रेष्ठको उपचारका क्रममा ज्यान गएको प्रहरीले पुष्टि गरेको छ। ठक्करबाट गम्भीर घाइते भएका श्रेष्ठलाई तत्काल धुलिखेल अस्पताल लगिएको थियो। उपचारका क्रममा उनको मृत्यु भएको पाँचखाल नगरप्रमुख महेश खरेलले जानकारी दिए। घटना पछि स्थानीयले अरनिको लोकमार्ग अवरुद्ध गर्दै मृतकका परिवारलाई क्षतिपूर्ति उपलब्ध गराउन माग गरेका छन्। बा २ ख ६५७९ नम्बरको बस अनियन्त्रित भई श्रेष्ठलाई ठक्कर दिएको प्रहरीले जनाएको छ। स्थानीयले परिवारलाई उचित क्षतिपूर्ति दिनुपर्ने माग दोहोर्याएका छन्।