जनतापत्र, चौतारा ।
जिल्लाको जुगल गाउँपालिकाम निशुल्क दन्त शिविर सुरु भएको छ । पहिलो पटक आयोजना भएको उक्त निःशुल्क दन्त शिविरको गाउँपालिका अध्यक्ष रेशम स्याङबोले उद्घाटन गर्नु भएको हो ।
अध्यक्ष स्याङबो उक्त दन्त शिविरलाई सम्बोधन गर्दै शिविरले गाउँ बासीलाई राम्रो सेवा पुग्ने साथै गाउँपालिकाको समन्वयमा पहिलो दिन पालिका भवनबाट सेवा दिइरहेको पनि जानकारी दिनुभयो ।
महिला सशक्तीकरण तथा बालबालिका उत्थान समाज चौताराको आयोजना तथा ॐ डेन्टल समाज हस्पिटल चाबहिलको सहकार्यमा शिविर भएको हो ।
सँस्थाकी अध्यक्ष सरोजा श्रेष्ठले शिबिर भोली पनि जारी रहने जानकारी दिनुभयो । भौगोलिक हिसाबले विकट तथा छरिएर रहेका विभिन्न गाउँ गाउँबाट दाँतको सेवा लिन नागरिकहरु शिविर सञ्चालन भइरहेको क्याम्पसम्म आइपुगेका छन् ।
सो शिविर मंगलबार नव ज्योति आधारभूत विद्यालय कात्तिकेमा हुने आयोजकले जनाएको छ । आयोजक संस्थाले यसअघि चौतारामा पनि दुई दिने दन्त शिविर आयोजना गरेका थिए । जिल्लाका विभिन्न पालिकाहरुमा पुगेर निशुल्क शिविर आयोजना गरी सेवा दिने उद्धेश्यले काम गरिहेको संस्थाले जनाएको छ ।
७ आश्विन २०८१, सोमबार १२:२३
