जनतापत्र, चौतारा ।
पर्यटकीय क्षेत्रको रुपमा सिन्धुपाल्चोकको सुकुटे घोषित हुने भएको छ । पछिल्लो समयमा सिन्धुपाल्चोकको सुकुटेले धेरै पर्यटककहरुको मन जितिरहेको छ ।
चौतारा साँगाचोकगढी नगरपालिका दिनानुदिन पर्यटकको ओइरो लागिरहेको ‘सुकुटे’ लाई पर्यटकीय क्षेत्र घोषणाको अन्तिम तयारीमा जुटेको छ ।
शुक्रबार नगर कार्यपालिका बैठक बसेको थियो ।
उक्त बैठकले ‘सुकुटे’ लाई पर्यटकीय क्षेत्र घोषणा गर्ने निर्णय भएको नगरप्रमुख कृष्णप्रसाद सापकोटाले जानकारी दिनुभयो ।
उहाँले उक्त घोषणा केही दिनभित्र गर्ने तयारी रहेको र सुकुटेलाई पर्यटकीय क्षेत्र घोषणा गरेसंगै पर्यटकीय पूर्वाधार निर्माणको लागि बजेटको माग तथा व्यवस्थापन गर्न सहज हुने जानकारी दिनुभयो ।
नगरका प्रमुख प्रशासकीय अधिकृत वैकुण्ठ प्रसाद सापकोटाले पर्यटकीय क्षेत्र घोषणा गरेसंगै व्यवसायीहरुलाई करको दायारामा ल्याउँदा नगरलाई आम्दानी बढ्ने जानकारी दिनुभयो ।
चौतारा साँगाचोकगढी नगरपालिकाले आन्तरिक तथा बाह्य पर्यटकको रोजाइमा पछिल्लो समय लोकप्रिय सुकुटे क्षेत्रलाई पर्यटकीय गन्तव्य बनाउन यस अघि नै पहल थालेको थियो । सुकुटे क्षेत्रलाई पर्यटकीय केन्द्र बनाउन चौतारा साँगाचोकगढी नगरपालिकाले गत सुकुटेमा सरोकारवाला निकायसँग अन्तक्र्रिया गरेको थियो । राजधानीबाट नजिकको दूरीमा रहेको सुकुटेलाई व्यवस्थित बनाउँदै अझै पर्यटकको आकर्षण बढाउने उद्देश्यले चौतारा साँगाचोकगढी नगरपालिकाले चासो दिएको हो ।