जनतापत्र चौतारा । सिन्धुपाल्चोकको चौतारा साँगाचोकगढी नगरपालि वडा नं ११ मा नेपाल दशनामी समाज युवा समितिको पहिलो अधिवेशन शनिबार सफलतापूर्वक सम्पन्न भएको छ। यस अधिवेशनले समाजका युवाहरूलाई एकताबद्ध गर्दै ९ सदस्यीय नयाँ कार्यसमिति चयन गरेको छ। नवनिर्वाचित कार्यसमितिमा नवीन गिरी अध्यक्ष पदमा चुनिएका छन्। त्यसैगरी, प्रदीप गिरी उपाध्यक्ष, सुबास गिरी सचिव र सुनिल गिरी कोषाध्यक्षमा चयन भएका छन्। समितिका सदस्यहरूमा राहुल गिरी, सुशील गिरी, बिनोद गिरी, लक्ष्मी गिरी र रवि गिरी रहेका छन्।

अधिवेशनको अध्यक्षता ग्रहण गरेका सरोज गिरीले दशनामी समाजलाई भविष्यमा अझ सुदृढ, एकीकृत र विस्तार गर्ने प्रतिबद्धता व्यक्त गर्दै कार्यक्रमको समापन भएको घोषणा गरे। यस कार्यक्रममा स्थानीय प्रतिनिधि, समाजसेवी तथा समुदायका विभिन्न प्रतिष्ठित व्यक्तित्वहरूको सक्रिय सहभागिता रहेको थियो, जसले युवा समितिको यस पहललाई थप हौसला प्रदान गरेको छ।