जनतापत्र,काठमण्डौं ।

नेपाल आयल निगमले पेट्रोलको मूल्य वृद्धि गर्दै डिजेल र मट्टितेलको मूल्य घटाएको छ। इन्डियन आयल कर्पोरेशन (आईओसी) बाट प्राप्त नयाँ मूल्य सूचीका आधारमा गरिएको खुद्रा मूल्य समायोजन आज राति १२ बजेदेखि लागू हुने निगमले जनाएको छ।
नयाँ दरअनुसार पेट्रोलको मूल्य प्रतिलिटर दुई रुपैयाँले बढेको छ। यसअघि काठमाडौं उपत्यकामा प्रतिलिटर १७५ रुपैयाँमा बिक्री हुँदै आएको पेट्रोल अब १७७ रुपैयाँ पर्नेछ। त्यस्तै, डिजेल र मट्टितेलको मूल्य प्रतिलिटर एक रुपैयाँले घटाइएको छ। हाल डिजेल र मट्टितेलको मूल्य काठमाडौंमा प्रतिलिटर १५५ रुपैयाँ रहेकोमा अब १५४ रुपैयाँमा पाइनेछ।
निगमले गत केही वर्षदेखि हरेक १५ दिनमा इन्डियन आयल कर्पोरेशनबाट नयाँ खरिद मूल्य प्राप्त भएपछि अनिवार्य रूपमा मूल्य समायोजन गर्ने नीति लागू गरेको छ।
यसअघि साउनको पहिलो साता पेट्रोलको मूल्य स्थिर राख्दै डिजेल र मट्टितेलमा प्रतिलिटर ३ रुपैयाँको वृद्धि गरिएको थियो।