जनतापत्र,सिन्धुपाल्चोक ।
नेकपा एमालेले देशभर चलाइरहेको संगठित अभियान अन्तर्गत सिन्धुपाल्चोकमा शनिबार एमालेले आफ्नो शक्ति प्रस्ट पारेको छ। जिल्लाको खाडीचौरमा आयोजित विशाल जनसभामा उल्लेख्य भीडको सहभागिता रहेको थियो। खचाखच भरिएको सभास्थलमा स्थानीय नेता, कार्यकर्ता र सर्वसाधारणको उच्च उपस्थिति थियो। सभालाई सम्बोधन गर्दै एमाले स्थायी कमिटी सदस्य तथा पूर्वमन्त्री शेरबहादुर तामाङले एमालेविरुद्ध भइरहेको राजनीतिक हमलालाई जनताले अस्वीकार गरेको बताउनुभयो। उहाँले भन्नुभयो— “हाम्रा विरुद्ध जति हमला भएका छन्, जनताको विश्वास उति नै बलियो भएको छ। यो जनसभाले सिन्धुपाल्चोक एमालेप्रति सम्मानले भरिएको जिल्ला हो भन्ने स्पष्ट देखायो।” त्यस्तै, जिल्ला इन्चार्ज सुरेश नेपालले आगामी राजनीतिक चरणमा एमालेलाई कमजोर पार्ने कुनै पनि रणनीति असफल हुने दाबी गर्नुभयो। उहाँले ुसंगठित, अनुशासित र आक्रामकु भएर अघि बढ्न नेतृत्व र कार्यकर्तालाई आह्वान गर्दै ुसिन्धुपाल्चोकमा एमालेलाई रोक्ने शक्ति कसैसँग छैनु भन्ने प्रस्ट सन्देश दिनुभयो। आयोजकहरूका अनुसार खाडीचौरको यो जनसभा पार्टीले आगामी चुनावी तयारी र राजनीतिक प्रतिरक्षालाई संकेत गर्ने प्रमुख कदम हो। सभालाई थप उत्साहपूर्ण बनाउन नामी कलाकारहरूको सांस्कृतिक प्रस्तुति पनि रहेको थियो।