जनतापत्र,चौतारा ।
नेपाल कम्युनिष्ट पार्टी (एमाले) को ७६औं स्थापना दिवसको अवसरमा नेकपा (एमाले) प्रदेशसभा निर्वाचन क्षेत्र नम्बर ३(२) काठमाडौंद्वारा ‘आँखा परिक्षण, दन्त शिविर तथा रक्तदान कार्यक्रम’ आयोजना गरिने भएको छ।

कार्यक्रमबारे जानकारी दिँदै नेकपा (एमाले) गोकर्णेश्वर ८ पार्टी कमिटी अध्यक्ष ओमप्रसाद ढकालले उक्त शिविर आगामी वैशाख २७ गते शनिवार बिहान १० बजे भेनस नेसनल कलेज, बेसीगाउँ, काठमाडौंमा सञ्चालन हुने बताउँनु भयो ।

शिविरमा निःशुल्क आँखा परिक्षण, दन्त शिबिर, तथा रक्तदान सेवा उपलब्ध गराइनेछ। साथै, मोतिबिन्दुका बिरामीहरूलाई शिविरपश्चात निःशुल्क अपरेशनको व्यवस्था पनि गरिने छ।

सर्वसाधारणका लागि खुला यो कार्यक्रममा सहभागिता जनाउन ढकालले काठमाडौं क्षेत्र नं ३ निवासी सम्पूर्ण महानुभावहरूलाई अनुरोध गरेका छन् ।