जनतापत्र, चौतारा ।
जनस्वास्थ्य कार्यालय सिन्धुपाल्चोकले सन्तानका रहर पुगिसकेकाहरुलाई निशुल्क शिविरको आयोजना गर्ने भएको छ । स्थायी वन्ध्याकरण भ्यासेक्टोमी र जन्मान्तर राख्न चहाने दम्पतिलाई परिवार योजनाको साधन इम्प्लान्ट तथा आइ.यु.सि.डिको आयोजना गर्न लागेको हो ।

जनस्वास्थ्य प्रमुख दुर्गा बजगाईका अनुसार, जनस्वास्थ्य कार्यालयले जिल्लाका तीन स्थानीयतहलाई लक्षित गर्दै यो कार्यक्रम सञ्चालन गर्न लागेको हो ।
स्थानीय तहसँगको सहकार्य एव्म समन्वयमा यो कार्यक्रम यही फागुनको २२ गतेबाट

मेलम्ची नगरपालिकाको मेलम्ची स्वास्थ्य केन्द्रमा यी दुबै सेवा निशुल्क हुने भएको छ ।
त्यस्तै फागुन २३ गते इन्द्रावती गाउँपालिकास्थित भीमटार स्वास्थ्य चौकीमा शिविर सञ्चान हुनेछ ।

महिलाका लागि लामो अवधिको परिवार योजना सेवा इम्प्लान्ट र आई.यु.सि.डि तथा पुरुषहरुका लागि स्थायी वन्ध्याकारण दुबै सेवा सँगसँगै उपलव्ध हुने यो शिविर सुनकोसी गाउँपालिकास्थित पाङ्ग्रेटार स्वास्थ्य चौकीमा हुने छ । फागुन १५ गते सञ्चालन हुने जनस्वास्थ्य कार्यालय सिन्धुपाल्चोकले जनाएको छ ।

मौकाको फाइदा उठाउन र थप जानकारीका लागि नजिकको महिला स्वास्थ्य स्वयम्सेविका, स्वास्थ्यकर्मी अथवा विद्यालय नर्ससँग सम्पर्क राख्न जनस्वास्थ्य प्रमुख बजगाइले अनुरोध गर्नुभयो । सबै ठाउँमा विहान ८ बजेबाट शिविरमा सेवा सुचारु हुनेछ ।