जनतापत्र, तातोपानी ।
उत्तरतर्फको एक महत्त्वपूर्ण सीमानाकाको रुपमा तातोपानी नाकालाई लिन सकिन्छ । तर पछिल्लो समयमा व्यापार भने एकतर्फी रुपमा मात्र भइरहेको छ । सो बिषयमा नेपाली पक्षले चिनियाँसँग असन्तुष्टि प्रकट गर्दै आएको छ।
भूकम्पपछि आयात मात्रै खुला रहेको यस नाकामा चिनियाँ पक्षले नेपालीका लागि निकासी खुला गरेको बताएको छ । तर पनि यस नाका भएर कुनै पनि वस्तु चीन निकासी नभएको हो ।
व्यापारीले सहजता र दूरीको हिसाबले तातोपानी नाका प्रयोग गर्न चाहेता पनि चिनियाँ पक्षले निकासी खुला नगरेको हो । नेपाली मालवस्तु बुझिलिने चिनियाँ एजेन्ट खासामा नभएको कारण सरकारले उनीहरूलाई केरुङमा मात्रै काम गर्न अनुमति दिएको छ ।

तातोपानी नाकाको वास्तविक अवस्था बुझ्न सिन्धुपाल्चोकका प्रमुख जिल्ला अधिकारी किरण थापाको समन्वय र अनुरोधमा ल्हासास्थित नेपाली महावाणिज्य दूतावासका महावाणिज्यदूत लक्ष्मीप्रसाद निरौला सिगात्से, न्यालम, खासा हुँदै गएको शुक्रबार तातोपानी भन्सार जानुभएको थियो । स्थलमार्ग भएर सुक्खा बन्दरगाह आएका निरौलाले भूगोल, सीमा र यहाँको वस्तुस्थितिको निरीक्षण गरिनुका साथैसीमामा क्रियाशील विभिन्न संघसंस्थासँग लामो अन्तक्र्रिया पनि गरिएको छ ।

व्यापारी, संघसंस्था र स्थानीय जनप्रतिनिधिसँग निरौलाले सबै विषयमा चासो राख्दै स्थानीयले औँल्याएका समस्याबारे टिपोट गरेर निरौला काठमाडौं प्रस्थान गरिएको छ ।
उहाँले सीमामा रहेका समस्याबारे नेपाल सरकार र चीन सरकारसँग गहिरिएर कुरा गर्ने वचन दिनुभएको छ । तातोपानी भन्सारका सूचना अधिकृत सूर्यप्रसाद काफ्लेले दिएको जानकारीअनुसार सरकारको चाहनाबमोजिम नै महावाणिज्यदूतले सीमानाका र भन्सारको स्थलगत अवलोकन गरिएको हो ।