जनतापत्र, पाँचपोखरी ।
बहुउद्देश्यीय कृषि नर्सरी व्यवस्थापन तालिम सम्पन्न भएको छ । बहुप्रकोप÷पहिरो पूर्व सुचना प्रणाली परियोजना अन्र्तगत पहिरो उच्च जोखिममा रहेका तथा न्युन आय भएका समुदायहरुलाई लक्षित गरि बहुउद्देश्यीय कृषिवन नर्सरी व्यवस्थापन तालिम कार्यक्रम सम्पन्न भएको हो ।
तालिम अष्ट्रेलियन सरकारको आर्थिक सहयोग, प्राक्टिकल एक्शनको साझेदारीमा भएको हा
े ।
परियोजनाको कार्यक्षेत्र रहेको पाचँपोखरी थाङपाल गाँउपालिका अन्र्तगत वडा नं ७ दनुवार बस्ती र हेलम्बु गाँउपालिका अन्र्तगत वडा नं ४ ग्याल्थुङ दलित बस्तीमा २१ देखि माघ २४ सम्म तालिम भएको थियो ।
बिशेष गरि फलफुल, तरकारी र वनबिरुवा लगायतका बिरुवाहरु उत्पादन गर्ने उद्देश्यका साथ परियोजनाकै सहयोगमा स्थापित हाइटेक टनेलमा बिभिन्न प्रजातीका बिउहरु रोपिएको हो ।
तालिम कार्यक्रम बिशेष गरि पहिरो उच्च जोखिम रहेका र त्यसमा पनि न्युन आय भएका र अपाङ्ग, एकल महिला र पिछडिएको समुदायलाई प्राथमिकतामा राखी दुई पालिकाको दुई स्थानहरुमा आयोजना गरिएको प्राक्टिकल एक्सनका कार्यक्रम व्यवस्थापक, बिना खड्काले बताउनु भयो । साथै तालिम कार्यक्रममा यौनजन्य शोषण तथा दुराचारबाट सुरक्षा (सेफगार्डिङ ) सम्बन्धि जानकारी पनि प्रदान गर्नुभयो ।