जनतापत्र, चौतारा ।
चौतारा साँगाचोकगढी नगरपालिकामा मोतीबिन्दुका
े निशुल्क उपचार गरिएको छ ।
आँखामा मोतियाविन्दु भएकाहरुलाई नगरपालिकाले मंगलबारदेखि निशुल्क शल्यक्रिया गर्न थालेको हो । पहिलो दिन ३ सय ८ जना विरामीले नाम दर्ता गरेका मध्ये महिला १ सय ९८ पुरुष १ सय १० जना रहेका छन् । पहिलो दिनमै २२ जनाको मोतिविन्दुको शल्यक्रिया सफल भएको छ ।

जनस्वास्थ्य अधिकृत दिनेश नेपालका अनुसार, आखाँ दृष्टि कमजोर हुनेहरुलाई भने ६२ वटा चस्मा वितरण गरिएको छ ।
नगरपालिकाको स्वास्थ्य शाखाको आयोजना र नेपाल आँखा अस्पताल त्रिपुरेश्वरको प्राविधिक सहयोगमा गरिएको निशुल्क शल्यक्रिया नगरपालिकाको कार्यलय चौतारामा फागुन २२ गते सम्म हुनेछ ।

शिविर उद्घाटन गर्दै मेयर सापकोटाले आँखा मानव जिवनको महत्वुर्ण अंग जसले संसार देख्ने बताए । संवैधानिक ब्यवस्था अनुसार आधारभूत स्वास्थ्य सेवा स्थानिय तहको जिम्मा रहेकोले नागरिकलाई निशुल्क मोतिविन्दुको उचार गरेको मेयर सापकोटाको भनाई थियो ।