जनतापत्र,भोटेचौर,सिन्धुपाल्चोक ।
मेलम्ची नगरपालिका–७ भोटेचौरमा सम्पन्न तेस्रो नगरस्तरीय पुरुष भलिबल प्रतियोगिताको उपाधि मेलम्ची–७ को योङ स्टार युवा क्लबले हात पारेको छ। आज सम्पन्न फाइनल खेलमा सोही वडाको सृजनशील युवा क्लबलाई पराजित गर्दै योङ स्टारले विजेताको उपाधि हात पारेको हो। विजेताले उपाधिसँगै रु। १ लाख नगद पुरस्कार प्राप्त गरेको छ भने उपविजेता सृजनशील क्लबले रु। ५० हजार प्राप्त गरेको छ। त्यस्तै, मेलम्ची–१२ लाई पराजित गर्दै तेस्रो स्थान हासिल गरेको मेलम्ची–२ ले रु। २५ हजार नगद पुरस्कार पाएको आयोजक क्लबका अध्यक्ष परशुराम चौलागाईंले जानकारी दिनुभयो।वडा नम्बर १ को सहयोग र भोटेचौर स्पोर्ट्स क्लबको आयोजनामा असोज २ गतेदेखि सुरु भएको प्रतियोगितामा मेलम्ची नगरपालिकाभित्रका १३ टोलीले सहभागिता जनाएका थिए। बिजेताहरूलाई मेलम्ची–१ का वडा अध्यक्ष कृष्णमुरारी चौलागाईंलगायत अतिथिहरूले पुरस्कार वितरण गर्नुभएको स्थानीय शिक्षक दिप खतिवडाले जानकारी दिनुभयो।