जनतापत्र, काठमाडौं ।
राज्यका तीन आधारस्तम्भ—व्यवस्थापिका संसद, कार्यपालिका सिंहदरबार र न्यायपालिका सर्वोच्च अदालत—सबै आन्दोलनकारीको नियन्त्रणमा पुगेका छन्। संसद भवन नयाँ बानेश्वरदेखि सिंहदरबार र सर्वोच्च अदालतसम्म आगजनी र तोडफोडले मुलुकको शक्ति केन्द्र स्तब्ध बनेको छ। प्रदर्शनकारीहरू भवनभित्र प्रवेश गरी सम्पूर्ण संरचना ध्वस्त पारिरहेका छन्।
सुरक्षा निकायका प्रमुखहरू स्वयं विज्ञप्ति जारी गर्दै स्थिति नियन्त्रणभन्दा बाहिर गएको स्वीकार गरेका छन्। उनीहरूले सबै पक्षलाई तत्काल समाधानको बाटो खोज्न आग्रह गरेका छन्। सर्वोच्च अदालत, महान्याधिवक्ताको कार्यालय, नेपाल बार एसोसिएसन र काठमाडौं जिल्ला अदालतसमेत आन्दोलनकारीको कब्जामा परेका छन्। देशको शासन–व्यवस्था नै गम्भीर संकटतर्फ धकेलिएको संकेत देखिएको छ।