जनतापत्र,तातोपानी ।
नेपाल शिक्षक संघ जिल्ला कार्यसमिति सिन्धुपाल्चोकको आयोजनामा भोटेकोशी गाउँपालिका–२ तातोपानीस्थित तातोपानी माध्यमिक विद्यालयमा रक्तदान कार्यक्रम सम्पन्न भएको छ। कार्यक्रममा शिक्षक, कर्मचारी तथा स्थानीयवासीसहित ४६ जनाले रक्तदान गरेका छन्। नेपाल शिक्षक संघ प्रदेश कार्यसमिति सदस्य तथा नेपाल रेडक्रस सोसाइटी सिपाघाट उपशाखा अध्यक्ष केशव डोटेलका अनुसार रक्तदान कार्यक्रममा उल्लेखनीय सहभागिता देखिएको थियो।
कार्यक्रममा नेपाल शिक्षक संघ प्रदेश कार्यसमिति अध्यक्ष दीपक शिंखडा प्रमुख अतिथि रहनु भएको थियो भने जिल्ला अध्यक्ष ऋषिराम पौडेलको अध्यक्षता र जिल्ला सचिव रुद्र कार्कीको सञ्चालनमा कार्यक्रम सम्पन्न भएको हो। रक्तदान कार्यक्रममा प्राविधिक सहयोग नेपाल रेडक्रस सोसाइटी भक्तपुर शाखाले गरेको थियो।