आइसिा तामाङ चौतारा, सिन्धुपाल्चोक ।
प्याब्सन निजी तथा आवासीय विद्यालय अर्गनाइजेसन, नेपाल० सिन्धुपाल्चोकको आयोजनामा जिल्ला स्तरीय वक्तृत्वकला प्रतियोगिता आज चौतारास्थित जुगल बोर्डिङ हाई स्कुलमा भव्य रूपमा सम्पन्न भएको छ।
‘सांस्कृतिक सम्पदा ः हाम्रो पहिचान, हाम्रो गौरव’ भन्ने मूल नारासहित सम्पन्न उक्त प्रतियोगितामा जिल्लाका विभिन्न माध्यमिक तहका संस्थागत विद्यालयका विद्यार्थीहरूले नेपाली र अंग्रेजी दुबै भाषामा आ–आफ्नो प्रस्तुति दिएका थिए।
प्रतियोगिताको नेपाली र अंग्रेजी दुवै विधामा चण्डेश्वरी इंग्लिस बोर्डिङ स्कुल, खुर्सानीबारी, बाह्रबिसेले प्रथम स्थान प्राप्त गरेको छ। उक्त विद्यालयका प्रसिस बस्नेत ९नेपाली० र नेहा लिम्बू ९अंग्रेजी० ले उत्कृष्ट प्रस्तुतिसहित पहिलो स्थान हात पारेका हुन्।
त्यस्तै, प्रगति अंग्रेजी माध्यमिक विद्यालय, मेलम्चीका निकेश कडरिया र युनिका थापाले दोस्रो स्थान प्राप्त गरे भने केतु बोर्डिङ स्कुल, बाह्रबिसेका आशिष पाख्रिन ९नेपाली० र ग्रिनल्याण्ड सेकेन्डरी स्कुल, लामोसाँघुकी जेनी श्रेष्ठ ९अंग्रेजी० ले तेस्रो स्थान हात पारेका थिए।
सान्त्वना स्थानमा सदाबहार एकेडेमीकी दिभा थापा ९नेपाली० र ग्रिनल्याण्ड स्कुलकी खुशी श्रेष्ठ ९अंग्रेजी० परेका छन्।
कार्यक्रममा प्याब्सनका केन्द्रीय सदस्य कर्मवांगेल लामा, वागमती प्रदेश उपाध्यक्ष ऋषिराम नेपाललगायत विशिष्ट अतिथिहरूको उपस्थिति रहेको थियो। स्वागत मन्तव्य प्याब्सन प्रदेश सहसचिव ओमप्रकाश उप्रेतीले राखेका थिए भने कार्यक्रमको सञ्चालन प्याब्सन सिन्धुपाल्चोकका सचिव नवराज दनुवारले गरेका थिए।
नेपाली भाषाको निर्णायकको भूमिकामा अमित घिमिरे र सुन्दर शिरीष तथा अंग्रेजी भाषामा दिल कार्की र विजयकुमार श्रेष्ठले जिम्मेवारी निर्वाह गरेका थिए।
प्याब्सन सिन्धुपाल्चोकका अध्यक्ष बुद्धिप्रसाद आचार्यको सभापतित्वमा सम्पन्न कार्यक्रमबाट उत्कृष्ट भएका सहभागीहरूले श्रावण ३० गते नुवाकोटमा हुने प्रदेश स्तरीय प्रतियोगितामा जिल्लाको प्रतिनिधित्व गर्ने अवसर प्राप्त गर्ने प्याब्सनले जनाएको छ।