जनतापत्र,भैरहवा ।
राष्ट्रिय ट्रेड युनियन महासङ्घ ९जिफन्ट०का केन्द्रीय उपाध्यक्ष कमल गौतमको आज आकस्मिक निधन भएको छ। रुपन्देहीको भैरहवास्थित नेपाल विद्युत् प्राधिकरण कार्यालय अगाडि आयोजित धर्ना कार्यक्रममा भाषण गरिरहेका बेला ६५ वर्षीय गौतम अचानक बेहोस भएका थिए। उनलाई तुरुन्त मणिग्रामस्थित क्रिमसन अस्पताल पुर्‍याइए पनि उपचारका क्रममा चिकित्सकले मृत घोषित गरेका हुन्। बुटवल उपमहानगरपालिका–३ ज्योतिनगरका स्थायी बासिन्दा गौतम २०५४ सालदेखि नेकपा ९एमाले० निकट मजदुर संगठन जिफन्टमा सक्रिय रूपमा संलग्न थिए। उद्योगहरूमा ट्रंकलाइन विवादका कारण विद्युत् आपूर्ति बन्द गरिएको विरोधमा आज उद्योगी तथा मजदुरहरूले भैरहवामा प्रदर्शन गरिरहेका बेला उक्त घटना घटेको थियो।