जनतापत्र सिन्धुपाल्चोक ।
बलेफी– ४ विन्जेलमा रहेको जालपादेवी माविको ५० औं वार्षिकोत्सब सम्पन्न भएको छ । राष्ट्रिय सभा अध्यक्ष नारायण प्रसाद दाहालको प्रमुख आतिथ्यतामा सम्पन्न भएको हो । सो कार्यक्रममा विद्यालयको स्वर्ण स्मारिकाको बिमोचन गरिएको थियो ।
२०३२ सालमा जगन्नाथ नेपाल, रामचन्द्र नेपाल,रुद्र नाथ नेपाल, मुक्तिनाथ तिमिल्सिना, बालकृष्ण नेपाल, डेगनाथ नेपाल, सूर्यनाथ नेपाल र धन बहादुर सुवेदीको अगुवाइमा विद्यालय स्थापान भएको थियो ।
कार्यक्रममा सम्वोधन सर्दै अध्यक्ष दाहालले शिक्षा विधेयक दुबै सधनवाट छिट्टै पास भए संगै शिक्षा क्षेत्रको धेरै सुधारको बाटो खुल्ने बताउनु भयो ।
सभामा संविधानसभा सदस्य माधव सापकोटाले विद्यालय शिक्षामा सुधारको लागि प्रविधिक र व्यवहारिक शिक्षामा जोड दिनु पर्नु पर्ने बताए । सभामा संविधानसभा सदस्य केशव नेपाल, बागमती प्रदेश सदस्य अमृता नेपाल, बलेफी गाउँपालिका अध्यक्ष गंगाबहादुर तामाङ, उपाध्यक्ष सरु लामा तामाङ, बलेफी गाउँपालिका पूर्व अध्यक्ष केदार क्षेत्री , नेपाली कांग्रेस बलेफी पालिका अध्यक्ष रामकुमार तामाङ र शिक्षा प्रेमी दीपकलाल पराजुली, शिक्षक गंगा प्रसाद पौडेल लगाएतकाले शुभकामना मन्तव्य राखेका थिए । सभामा विद्यालयलाई सहयोग गर्नु हुने उप प्रधान संरक्षक, सह प्रधान संरक्षक, संरक्षक, आजिवन सदस्यलाई सम्मान गरिएको थियो ।
सभामा विद्यालयका सस्थापकहरु, पूर्व अध्यक्षहरु, पूर्व भवन निर्माण समितिका अध्यक्षहरु तथा उत्कृष्ट विद्यार्थी तथा शिक्षहरुलाई पुरस्कृत गरिएको थियो । विद्यालय व्यवस्थापन समितिका अध्यक्ष नारायण प्रसाद पराजुलीको अध्यक्षमा कार्यक्रम सम्पन्न भएको हो ।