जनतापत्र,चौतारा ।

सिन्धुपाल्चोक जिल्लाको सदरमुकाम चौतारा आयोजित चौथो तोप २१ नगर कप राष्ट्रिय खुल्ला भलिबल प्रतियोगिताको उपाधि नेपाल पुलिस क्लबले जितेको छ ।
चौतारामा बुधबार सम्पन्न प्रतियोगितामा गण्डकी प्रदेश लाई ३,० को सोझो सेटमा पराजित गर्दै पुलिसले उपाधि उचालेको हो । फाइनल खेलमा पुलिसले २५,१६, २५,१८ र २५,२२ अग्रताले गण्डकीलाई पराजित गरेको हो ।
प्रतियोगितामा तेस्रो स्थानको लागि भएको खेलमा कोशी प्रदेशले एपिएफलाई ३,० को सेटमा पराजित गरेको छ । उपाधि संगै पुलिसले नगद ३ लाख, दोस्रो हुने गण्डकी प्रदेशले १ लाख ५० हजार र तेस्रो हुने कोशी प्रदेशले ७५ हजार नगद सहित शिल्ड तथा मेडल पुरस्कार प्राप्त गरेसंगै जित हासिल गरेको छ ।