जनतापत्र, चौतारा ।

पछिल्लो समयमा चौतारा साँगाचोकगढी नगरपालिकाले विभिन्न प्रकारका राम्रा कामहरु गर्दै गइरहेको छ । नगरपालिकाले विशेषगरि गरिब, दलित पिछडिएका वर्गहरुको हितमा रहेर काम गरिरहेको छ । यति बेला भने चौतारा साँगाचोकगढी नगरपालिकाले नगर भित्रका दलित, ६० वर्ष भन्दा माथिका जेष्ठ नागरिक तथा अति सिमान्तकृत माझि ÷ दनुवार समुदायका ब्यत्तीको स्वास्थ्य बीमा निशुल्क गर्ने निर्णय गरेको छ ।
स्वास्थ्य बीमा मार्फत गुणस्तरीय औषधोपचार उपलब्ध गराउने उद्देश्यका साथ नगरपालिकाको १६ औँ नगर सभाको भएको छ ।
नगर प्रमुख कृष्ण प्रसाद सापकोटाले
चौतारा साँगाचोकगढी नगरपालिकामा निर्वाचित भएपछि लक्षित वर्ग केन्द्रित बीमा कार्यक्रमको पहिलो निर्णय नगर सभा मार्फत गर्नुभएको थियो ।

नगरभित्रका सहिद तथा बेपत्ता परिवार, जनयुद्ध तथा जनआन्दोलनका घाइते, ‘ख’ वर्गका अपाङ्गता भएका व्यक्ति, महिला स्वास्थ्य स्वयंसेविका र दीर्घ रोग लागेका व्यक्तिलाई नगरपालिकाले स्वास्थ्य बीमा गराएको थियो ।

जनस्वास्थ्य अधिकृत दिनेश नेपालका अनुसार, सहिद तथा बेपत्ता परिवारका ५२ जना, जनयुद्ध तथा जनआन्दोलनका घाइते २० जना , ‘ख’ वर्गका अपाङ्गता भएका व्यक्ति १ सय ८१, महिला स्वास्थ्य स्वयंसेविका ४४ र दीर्घ रोग लागेका २८ व्यक्तिको स्वास्थ्य बीमा गरिएको छ ।

अहिले सम्म ३ सय ५२ परिवारको चौतारा साँगाचोकगढी नगरपालिकाले स्वास्थ्य बीमा गराइरहेको छ ।
लक्षित वर्ग केन्द्रित बीमा सुरु गर्ने जिल्लाको पहिलो स्थानिय तह चौतारा साँगाचोकगढी नगरपालिका रहेको छ ।
स्वास्थ्य बीमा कार्यक्रम प्रभावकारी बन्दै गएपछि नगरपालिकाले अनुदान सहयोगको दायरा बढाएको हो ।

वडामा खटिएका सहयोगीमार्फत लक्षित परिवारको खोजी गरी स्वास्थ्य बीमा गर्दै आएको छ । यो कार्यक्रमले ५ सय प्रिमियम तिरेर विमा गराउन नसक्ने वर्गले सुविधा पाएका छन् । ऋण खोजेर पैसा बोकेर अस्पताल पुग्नेहरु स्वास्थ्य बिमापछि लाभान्वित छन् ।