जनतापत्र,चौतारा ।

सिन्धुपाल्चोक जिल्लाको चौतारा साँगाचोकगढी नगरपालिकाले मानसिक स्वास्थ्यको महत्व र तनाव व्यवस्थापनका बारेमा सरोकारवालाबीच अन्तरक्रिया अभियान सुरु गरेको छ। चौतारा साँगाचोकगढी नगरपालिका मेयर कृष्णप्रसाद सापकोटाले मानसिक स्वास्थ्य समाजकै समृद्धिसँग जोडिएको बताउँदै खुलेर कुरा गर्न आग्रह गर्नुभएको छ। उपमेयर सीता थापाले वैदेशिक रोजगारी र सामाजिक संरचनाका कारण मानसिक तनाव बढेको उल्लेख गर्दै अभियानलाई निरन्तरता दिइने बताउनुभएको छ ।
मानसिक समस्या भोगिरहेका व्यक्तिहरू, परिवार, स्वास्थ्यकर्मी, शिक्षक तथा सरोकारवाला निकायको सहभागिता रहेको यस अभियान स्याउले र ठूलोसिरुवारीमा सम्पन्न भएको छ ।
कार्यक्रममा तनाव, दबाब, आत्महत्याको जोखिम र समाधानका उपायबारे जानकारी दिइएको थियोे। सहभागीहरूले गाउँमा प्राप्त ज्ञान बाँड्ने प्रतिवद्धता जनाएको छ ।