जनतापत्र, चौतारा ।
९३ अंक प्राप्त गरी बागमती प्रदेशको उकृष्ट अस्पताल चौतारा भएको छ ।
प्रादेशिक चौतारा अस्पताल गुणस्तर सुधारका लागि न्यूनतम मापदण्ड कार्यन्वयनमा सेकेन्डरी ए लेभलको अस्पतालमध्ये चौतारा अस्पताल उकृष्ट भएको हो ।
बागमती प्रदेश सरकार स्वास्थ्य मन्त्रालय स्वास्थ्य निर्देशनालयले अस्पतालको अनुगमन पश्चात ९३ अंक दिएको हो ।
न्यूनतम सेवा मापदण्ड कार्यन्वयनको सुचांक अनुसार १०० मा ९३ प्रतिशत ल्याउन सफल भएको हो ।
सोमबार विभिन्न सूचाङ्का आधारमा अनुगमन गरिएको थियो ।
१०० अंक ल्याउन ७ अंक नपुग्नुका कारणहरु बारेसमेत समिक्षा भएको थियो । निर्देशनालयका न्यूनतम सेवा मापदण्ड अनुगमन टोली प्रमुख बरिष्ठ मेडिकल सुपरिटेन्डेन्ट नविन दर्नालसहितको टोलीले अनुगमन गरेको हो ।
प्रमुख बरिष्ठ मेडिकल सुपरिटेन्डेन्ट नविन दर्नालले अस्पतालको निमित बैठक बस्न , दैनिक बिहानी छलफल , विद्युतिय हाजिर अनिवार्य , बिरामीको लागि टोकनको व्यवस्था , सुचना पाटीमा सुचना टाँस गर्ने गरेको, अस्पतालको आफ्नै वेबसाइट निर्माण गरि सञ्चालनमा ल्याएको, सुरक्षा गार्ड र सिसी टिभी क्यामेराको जडान लगायत अस्पतालको राम्रा पक्षहरु भएको जानकारी दिनुभयो ।
रामेछापको अस्पताल बाहेक हालसम्म गरिएको मूल्याङ्कनमा सिन्धुपाल्चोक उच्च स्थानमा नै रहेको निर्देशनालयले जानकारी दिएको छ ।

कार्यक्रममा चौतारा साँगाचोकगढी नगरपालिकाका नगरप्रमुख कृष्णप्रसाद सापकोटाले उत्कृष्ट अङ्क पाएसँगै चुनौति पनि थपिएको जानकारी दिनुभयो । उहाँले नगरपालिकाको तर्फबाट सहयोग अस्पताललाई उपलब्ध गराउने जानकारी दिनुभयो ।
हालको सेवाको प्रभाव घटन नदिन स्वास्थ्य निर्देशनालयका निर्देशक नरेन्द्रकुमार झाले आग्रह गर्दै चिकित्सकलाई भगवान र औषधीलाई जादु ठान्ने प्रवृति बढेकोमा दुख प्रकट गर्नुभयो ।

चौतारा अस्पताल सुरुमा १५ शैयाको थियो ।
चौतारा अस्पताल प्रादेशिक अस्पताल भएसंगै ५० शैयामा स्तरोन्नती भएको छ ।
२०८० पुस ३ गते बागमती प्रदेश सरकार मन्त्रिपरिषद तथा स्वास्थ्य मन्त्रालयको निर्णय अनुसार ५० बेडमा अस्पताललाई विस्तार गरिएको थियो । विरामीले सबै सेवा एउटै भवनबाट लिन सकिने भएको छ

।

अस्पताल प्रवेश गर्ने वित्तिकै सवारी पार्किङ सुविधा, क्षयरो
गको औषधी वितरण स्थल, खोप लगाउने क्लिनिक, इमर्जेन्सी सेवा, फार्मेसी, सामाजिक सेवा ईकाई, स्वास्थ्य विमा सेवा लिने ठाउँहरु देख्न सकिन्छ । साथै विरामीले पालो कुर्ने ठाउँ पनि ब्यवस्था रहेको छ ।