जनतापत्र, चौतारा ।
जिल्लाको सदरमुकाम चौतारामा चौतारा अस्पतालमा आँखा उपचार सुरु भएको छ । साथै मानसिक स्वास्थ्य तथा नसर्ने रोग परामर्श सेवा समेत सुरु भएको हो ।
गत सोमबार वागमती प्रदेशका स्वास्थ्य मन्त्री किरण थापा मगरद्धारा आँखा उपचार शाखा र मानसिक स्वास्थ्य तथा नसर्ने रोग परामर्श कक्षको उद्घाटनकार्य सम्पन्न भएको हो ।
यस अस्पतालको सुविधा सम्पन्न भवन निर्माण भइसकेको छ । भवन निर्माण सम्पन्न भएसँगै विभिन्न जिल्ला बासिको सहजका लागि विभिन्न प्रकारका सेवाहरु पनि विस्तारै संचालन हुदै गइरहेको छ । अस्पतालले गत असोजदेखि डायलासिसको सेवा समेत सुरु भइसकेको छ ।
थप नयाँ सेवा आँखा उपचार शाखा र मानसिक स्वास्थ्य तथा नसर्ने रोग परामर्श सेवा पनि सुरु गरेको निमित्त मेडिकल सुपरिटेन्डेन्ट डा. रुद्रमणि भण्डारीको भनाइ रहेको छ ।
पुर्वमन्त्री युवाराज दुलालले जिल्लामा स्वास्थ्य, शिक्षा तथा खेलकुदका सन्दर्भमा पुर्वाधार विकास संगै विभिन्न सेवाहरुको सकारात्मक विकास भएको जानकारी दिनुभयो ।
३ पुष २०८१, बुधबार १२:०५
