सुनिता रखाल चौतारा ।
चौतारा अस्पतालबाट मानसिक स्वास्थ्य तथा नसर्ने रोग परामर्श सेवा र आँखा उपचार संचालन गरीएको छ । अस्पतालको कार्यक्रममा वागमती प्रदेश सरकारका स्वास्थ्य मन्त्री किरण थापा मगरले मानसिक स्वास्थ्य तथा नसर्ने रोग परामर्श कक्ष र आँखा उपचार शाखाको उद्घाटन गर्नुभएको हो ।

यस अस्पताललाई पहिले रेफर सेन्टरको रुपमा चिनिँदै आएको अस्पतालमा अहिले राजधानीको अस्पतालको भन्दा केहि कमि नरहेको देखिएको छ । अस्पतालले गत असोजबाट डायलासिसको सेवा सुचारु गरेको र सोमवारबाट आँखा उपचार शाखा र मानसिक स्वास्थ्य तथा नसर्ने रोग परामर्श कक्ष सुरु गरी सेवा सुरु गरेको अस्पतालका मेडिकल सुपरिटेन्डेन्ट डा. रुद्रमणि भण्डारीको भनाइ रहेको छ ।
कार्यक्रममा वोल्दै साँगाचोकगढी नगरपालिका मेयर कृष्ण प्रसाद सापकोटाले चौतारा अस्पताल सुत्केरी र अन्य रोगका लागि रगत चाहिने विरामी र आफन्तहरुले समस्या भोग्नुपरेको प्रति आफु गम्भिर रहेको र ब्लड बैंक संचालनको लागि आवस्यक कर्मचारीको ब्यवस्थापन गरीदिने वचन दिएका थिए ।