जनतापत्र, सिन्धुपाल्चोक ।
पूर्व सांसद तथा नेकपा नेता माधव सापकोटाले आइतबार चौतारामा आयोजित पत्रकार सम्मेलनमार्फत ‘जेन–जेड आन्दोलन’ र वर्तमान राजनीतिक संकटबारे धारणा सार्वजनिक गरेका छन्। उनले सुशील कार्की नेतृत्वको सरकारलाई “उकालीमा ब्रेक फेल भएको गाडी” जस्तो अवस्थामा रहेको टिप्पणी गर्दै राजनीतिक संकट समाधानका लागि सबै दलले नीति र सहकार्यमा सुधार गर्नुपर्ने बताए। सापकोटाले दलगत विभाजन र नीतिगत अस्थिरताले लोकतन्त्र कमजोर बनाएको उल्लेख गर्दै भने, “जनताले स्थायित्व र विकास चाहेका छन्, तर दलहरू उत्तरदायी बन्न सकेका छैनन्।” उनले देशभरका कम्युनिस्ट शक्तिलाई एउटै केन्द्रमा ल्याउने एकीकरण अभियान सुरु गरिएको पनि जानकारी दिए।