/*php the_title();*/?>

जनतापत्र, चौतारा ।
सिन्धुपाल्चोकको सदरमुकाम चौतारामा शुक्रबारदेखि तीन लाख पुरस्कार राशीको खुला पुरूष राष्ट्रिय भलिबल प्रतियोगिता सुरु भएको छ । उक्त प्रतियोगिताको पहिलो खेलमा नेपाल पुलिस क्लबले विजयी निकालेको छ । पुलिसले उद्घाटन खेलमा चिरपरिचित प्रतिद्वन्दी त्रिभुवन आर्मी क्लबलाई ३–१ को सेटमा हराउँदै प्रतियोगितामा विजयी सुरुवात गरेको हो ।
खेलको पहिलो सेट पुलिसले जित निकालेको हो । । चौथो तोप –२१ तथा प्रथम चौतारा साँगाचोकगढि नगर कप खुला राष्ट्रिय क्लब भलिबल प्रतियोगिता सिन्धुपाल्चोक २०८१ को पहिलो खेलको दोस्रो सेटमा आर्मी लयमा फर्किको थियो । तर पनि तेस्रो र च
ौैंथो सेट गुमाएपछि पुलिसले जित निकाल्न सफल भएको हो ।
छ दिन सम्म चल्ने उक्त तीन लाख पुरस्कार राशीको प्रतियोगितामा सात टिम सहभागी भएका छन् । खेलको उद्घाटन सिन्धुपाल्चोक प्रतिनिधिसभा १ का सांसद माधव सापकोटाले गरेका थिए ।
प्रतियोगिताको आयोजना तोप–११ चौतारा गरेकोहो । यो प्रथम चौतारा साँगाचोकगढी नगर कप राष्ट्रिय खुल्ला क्लब स्तरीय भलिवल प्रतियोगिता हो । प्रथम हुने टोलीले नगद तीन लाख रुपैयाँ सहित ट्रफि र मेडल पुरस्कार पाउनेछ । दोस्रो हुनेले एक लाख पचास हजार तथा तेस्रो हुने टोलीले ७५ हजार रुपैयाँ पाउनेछ ।
१४ चैत्र २०८१, शुक्रबार १२:१९