जनतापत्र,सिन्धुपाल्चोक ।
बागमती प्रदेशको काभ्रेपलान्चोकस्थित बागबानी विकास केन्द्र पाँचखाल र कृषि विकास कार्यालय धुलिखेलको संयुक्त आयोजनामा आ.ब. ०८२÷८३ को वार्षिक कार्यक्रम सार्वजनिक तथा आ.ब. ०८१÷८२ को प्रगति समीक्षा गोष्ठी शुक्रबार जिल्ला समन्वय समिति सिन्धुपाल्चोकको हल, चौतरामा सम्पन्न भएको छ ।
कार्यक्रमका प्रमुख अतिथि जिल्ला समन्वय समितिका प्रमुख बालकृष्ण श्रेष्ठले ब्यानरमा हस्ताक्षर गरी उद्घाटन गर्नुभयो । कार्यक्रममा कृषि विकास कार्यालय काभ्रेपलान्चोकका प्रमुख कुल प्रसाद दवाडीले कृषि विकासका आ.ब. ०८२÷८३ को वार्षिक कार्यक्रम सार्वजनिक तथा आ.ब. ०८१÷८२ को प्रगति कार्यक्रमा प्रस्तुत गर्नुभएको थियो भने बागबानी विकास केन्द्र पाँचखालका प्रतिनिधि विष्णु बोगटीले आ.ब. ०८२÷८३ को वार्षिक कार्यक्रम सार्वजनिक तथा आ.ब. ०८१÷८२ को प्रगतिको प्रस्तुति दिनुभएको थियो ।

कार्यक्रममा जिल्ला प्रशासन कार्यालयका प्रमुख बन्धु प्रसाद बस्तोला, मेलम्ची नगरपालिकाकी उपप्रमुख उमा प्रधान, त्रिपुरासुन्दरी गाउँपालिकाका अध्यक्ष भक्तधोज बोहरा लगायत विभिन्न पालिकाका प्रमुख तथा उपप्रमुख, कृषि अधिकृत, कृषि तथा कफी सहकारी, पत्रकार, संघ–संस्था र सरोकारवालाहरूको उल्लेख्य उपस्थिति रहेको थियो ।
खुला छलफलमा उठेका प्रश्नहरूको समाधान कृषि विकास कार्यालयका प्रमुखले दिनुभएको थियो । जिल्ला समन्वय समितिका प्रमुख बालकृष्ण श्रेष्ठले सिन्धुपाल्चोकलाई कृषि क्षेत्रमा विषेश जोड दिने गरी कार्यक्रम गर्नुपर्छ भन्दै कार्यक्रम समापन गर्नुभएको थियो ।