सम्पादकीय
यति बेला चिसो अत्याधिक मात्रमा बढेको छ ।
प्रत्येक बर्ष झै यो बर्ष पनि पुस महिनाले छोइसकेको छ । पुस, माघ र फागुन एकदमै चिसो महिना हो ।
खासमा कात्तिकदेखि नै बिस्तारै चिसोको मात्रामा बृद्धि हुँदै जाने गर्दछ ।
यो समयमा चिसो बढ्न थाल्छ ।

नेपालको हिमाल, पहाड मात्र नभई यो पुस महिना देखि तराइमा पनि अत्याधिक चिसो हुने गर्दछ । गत बर्षहरुमा पनि चिसोकै कारण धेरै मानिसहरुको ज्यान गएको थियो । तराई भेगमा पर्ने शीतलहरले गर्दा त्यहाँको बालबालिका, बृद्धबृद्धा लगायतको जनजिवननै अस्तव्यस्त हुने गर्दछ ।

अब झन पानी परिहाल्यो भने हिमाल, पहाडमा हिमपात भई चिसोले मानिसको जनजिवन थप कष्टकर हुन आउँछ ।
अझ गरिब वर्गका मानिसहरुको लागि त यो चिसो शत्रुझै आउँने गर्दछ ।

त्यसैले चिसो बढेसँगै हामिले हाम्रो स्वास्थ्यको ख्याल भने पक्कै पनि गर्नु पर्दछ । जाडोमा हामिले तातो झोलिलो खानेकुरा खानु पर्दछ । नेपाल सरकारले पनि विपन्न बर्गका लागि चिसोबाट बच्नको लागि सक्दो कदमहरु चाल्नुपर्दछ ।
यस्तो बेला झन धेरै बालबालिका र बृद्धबृद्धाहरुको ख्याल राख्नुपर्दछ ।