जनतापत्र,चौतारा ।

सिन्धुपाल्चोक जिल्लाको ईन्द्रावती गाउँपालिकाले भारतीय सहयोग अन्तर्गत चार करोड रुपैयाँको भौतिक निर्माणका लागि आर्थिक सहयोग पाएको छ ।
ईन्द्रावती गाउँपालिकाको अध्यक्ष झम्कनाथ नेपाल र भारतीय पक्षले सोही आर्थिक सहयोग अन्तर्गतको सम्झौतामा भएको छ ।
अब ईन्द्रावती गाउँपालिकामा दुईवटा स्वास्थ्य चौकी निर्माण हुने अध्यक्ष नेपालले बताएका छन ।
नेपाल सरकारको संघीय मामिला तथा सामान्य प्रशासन मन्त्रालय र भारत सरकारको भारतीय दूतावासबीच सहयोग गर्ने सम्झौता पत्रमा हस्ताक्षर भएको छ ।
अब सम्झौता अनुसार स्थानीय तहहरूबाट आयोजनाको माग गरी परियोजना तयार गरी अर्थ मन्त्रालयको तर्फबाट भारतीय दूतावासले स्वीकृति प्राप्त भएपछि परियोजनाहरू सुरु हुने भएको छ ।
भारत सरकारले पूर्वाधार साझेदारी कार्यक्रम अन्तर्गत बडा नंम्वर ३ र ६ मा स्वास्थ चौकी भवन निर्माण गरिने भएको छ । अब पालिकाले निरन्तर खोजी र दातृ निकायको सहयोगका कारण पालिकाले नया उपलब्धि हासिल गरेको अध्यक्ष नेपालले जानकारी दिएका छन ।