जनता, मेलम्ची ।
खोप समन्वय समितिको अभिमुखिकरण सम्पन्न भएको छ ।
सिन्धुपाल्चोकको मेलम्ची नगरपालिकामा मंगलबार नगर स्तरीय खोप समन्वय समितिको अभिमुखिकरण कार्यक्रम सम्पन्न भएको हो ।
उक्त कार्यक्रममा मेलम्ची नगरपालिका उपप्रमुख उमा प्रधानको अध्यक्षता रहेको थियो ।
विद्यालयमा अध्ययनरत कक्षा ६ देखि कक्षा १० सम्मका छात्राहरु र विद्यालय नगएका १० देखि १४ वर्षसम्मका किशोरीहरूलाई पाठेघरको मुखको क्यान्सर रोकथामका बारेमा जानकारी दिइएको छ ।
जनस्वास्थ्य कार्यलयका ज्ञानेन्द्र सिग्देलले नेपाल सरकारले माघ २२ गते देखि फाल्गुन ७ गतेसम्म सम्म देशव्यापी रुपमा एच.पि.भि खोप कार्यक्रम संचालन गर्ने विषयमा अभिमुखिकरण कार्यक्रम गरिएको बताउनुभयो ।
कार्यक्रममा मेलम्ची नगरपालिका प्रमुख प्रशासकीय अधिकृत निमेष मिश्र,वडा अध्यक्षहरु,कार्यपालिका सदस्यहरू,प्रशासकीय अधिकृत,विभिन्न शाखाका शाखा प्रमुख,शिक्षक,कर्मचारी लगायतको मन्तव्य राख्नुभएको थियो ।
खोपपको बारेमा सबैलाई जानकारी गराउन मेलम्ची नगरपालिकाका उप प्रमुख उमा प्रधानले आग्रह गर्नुभयो । उहाँले उक्त खोप कार्यक्रमबाट कोहि छुट्न नहुने बताउँदै सम्पुर्णलाई आफ्नो तहबाट लागि खोप अभियान सफल बनाउन आम नगरवासिलाई आग्रह गर्नुभयो ।
पाठेघरको मुखको क्यान्सरको बारेमा नगर अस्पतालका डाक्टर किरण श्रेष्ठले बताउँदै माघ २२–२९ जिल्लामा खोप लगाइने जानकारी दिनुभयो ।
८ माघ २०८१, मंगलवार १२:३१
