जनतापत्र,काभ्रेपलाञ्चोक ।
काभ्रेपलाञ्चोक जिल्ला अदालतले खगेन्द्र सुनुवारलाई ५० हजार रुपैयाँ धरौटिमा रिहा गर्ने आदेश दिएको छ। न्यायाधीश नगेन्द्रकुमार कालाखेतीको इजलासले बिहीबार सुनुवारलाई धरौटीमा छोड्ने आदेश दिएको जिल्ला अदालत काभ्रेपलाञ्चोककी श्रेस्तेदार इन्दिरा कार्कीले जानकारी दिइन्।
सुनुवारमाथि अदालतको अपहेलना र अधिवक्तामाथि अपशब्द प्रयोग गरेको आरोप लागेको थियो। अधिवक्ता मनिषा गौतमविरुद्ध अपशब्द प्रयोग गर्दै फेसबुकमा स्टाटस लेखेको र सामाजिक सञ्जालमा लाइभमार्फत गालीगलौज गरेको उजुरीपछि साइबर ब्यूरोले उनीविरुद्ध पक्राउ पुर्जी जारी गरेको थियो।
आज काभ्रेपलाञ्चोक अदालतमा उपस्थित भएका सुनुवारको थुनछेक बहसपछि अदालतले उनलाई ५० हजार धरौटीमा रिहा गर्ने आदेश दिएको हो।