जनतापत्र, काठमाडौं ।
राजधानीमा सोमबार भएको घटनापछि थप तनाव हुन नदिन जिल्ला प्रशासन कार्यालयले कफ्र्यू आदेश जारी गरेको छ।
काठमाडौंका प्रमुख जिल्ला अधिकारीको आदेशअनुसार आज बिहान ८स्३० बजेदेखि चक्रपथ भित्रका क्षेत्र कफ्र्यू अन्तर्गत राखिएका छन्। यसमा बालकुमारी पुलदेखि कोटेश्वर चोक, सिनामंगल, गौशाला, चाबहिल, नारायणगोपाल चोक, गोङ्गबु, बालाजु, स्वयम्भू, कलंकी, बल्खु हुँदै वाग्मती पुलसम्मको भू–भाग पर्छ।
त्यस्तै, ललितपुर जिल्ला प्रशासनले पनि बिहान ७ बजेदेखि राति १२ बजेसम्मका लागि कफ्र्यू आदेश जारी गरेको छ। आदेशअनुसार ललितपुर महानगरपालिकाका वडा नं २, ४, ९, १८ र २५ का केही क्षेत्र चारकिल्ला तोकी कफ्र्यू अन्तर्गत राखिएका छन्। कफ्र्यू अवधिभर मानिसलाई आवतजावत, भेला, जुलुस, सभा, बैठक वा कुनै किसिमको प्रदर्शन गर्न निषेध गरिएको छ। प्रशासनले नागरिकलाई आदेश पालना गर्न आग्रह गरेको छ।