जनतापत्र, चौतारा ।
एचपीभी खोप अभियान सुरु भएको छ ।
पाठेघरको मुखको क्यान्सरविरुद्धको एचपीभी खोप अभियान सिन्धुपाल्चोक जिल्लामा सुरु भएको हो । जिल्लाको सदरमुकाम चौतारास्थित वनदेवी माविबाट खोप अभियानको सुरु भएको हो । वनदेवी खोप केन्द्रमा खटिएका स्वास्थ्यकर्मीलाई स्वास्थ्य सामग्री हस्तान्तरण गरेर खोप समन्वय समितिका प्रमुख बालकृष्ण श्रेष्ठ, चौतारा साँगाचोकगढी नगरपालिकाका प्रमुख कृष्णप्रसाद सापकोटा र प्रमुख जिल्ला अधिकारी किरण थापाले संयुक्त रुपमा अभियान सुरु गरेका थिए।
६–१० कक्षामा अध्ययनरत छात्रा तथा विद्यालय बाहिर रहेका १०–१४
वर्ष उमेर समूहका किशोरीलाई खोप दिइने जनस्वास्थ्य कार्यालयले जानकारी दिएको छ ।
यो अभियान माघ २९ गतेसम्म साता चल्ने छ । अभियानमा १० हजार ४ सयभन्दा बढी किशोरीलाई खोप दिने लक्ष्य रहेको प्रमुख जनस्वास्थ्य अधिकृत दुर्गा बजगाईँले बताउनुभयो ।

उहाँका अनुसार, जिल्लाका १२ वटै तहमा एकसाथ अभियान सुरु भएको छ । अभियानको लागि २ सय दुई विद्यालयलाई खोप केन्द्र बनाइएको छ । ४ सय चार खोप कार्यकर्ता र ८ सय आठ स्वयम्सेवक अभियानमा खटिएका छन् ।
अनुगमन लगायत आकस्मिक कार्यको लागि ३२ जनाको व्यवस्थापकीय टीम बनाइएको निर्माण गएिको हो । अभियानको शुभारम्भ गर्दै जिसस प्रमुख श्रेष्ठ र नगर प्रमुख सापकोटाले सबै क्षेत्रबाट सहयोगको अपेक्षा गरेका थिए । यो खोप निशुल्क लगाइने छ ।आउँदो फागुन ६ गतेसम्म देशभरि एकैपटक यो अभियान सञ्चालन हुने छ ।