जनतापत्र, मेलम्ची ।
नर्सरी व्यवस्थापन सम्वन्धी तालिम सम्पन्न भएको छ ।
सिन्धुपाल्चोक जिल्लाको मेलम्ची नगरपालिका वडा नम्बर ६ मा रहेको ढुंगानागाउँ सामुदायिक बनका पदाधिकारीहरुलाई एक दिने नर्सरी व्यवस्थापन सम्वन्धी तालिम सम्पन्न भएको हो । मेलम्ची नगरपालिकाको समन्वय र रिड नेपालको आयोजनामा सो तालिम सञ्चालन भएको हो ।

रिड नेपालका परियोजना संयोजक शोभा सुवेदीले कार्यक्रममा सव डिभिजन वन कार्यालय मेलम्चीका प्रमुख वच्चुराम पुडासैनी, फरेस्टर कृष्णप्रसाद दाहालले सहभागीहरुलाई ब्याड राख्ने,बिउ छनोट,विरुवा रोप्ने,गोडमेल गर्ने लगायतका बारेमा जानकारी प्रदान गरिएको बताउनुभयो ।
कार्यक्रमको उद्घाटन मेलम्ची नगरपालिका उपप्रमुख उमा प्रधानले गर्नु भएको थियो ।
उहाँले कार्यक्रमलाई सम्बोधन गर्दै उपप्रमुख प्रधानले व्यवसायीक बन्नका उपभोक्ता समितिलाई सुझाउनुभयो । संस्थासँगको सहकार्यमा नगरपालिकाले धेरै जनालाई सिपमुलक तालिम प्रदान गरेको स्मरण गर्दै उपप्रमुख प्रधानले आगामी दिनमा सिकेका सीपलाई व्यवहारमा लागु गर्दै जानुपर्ने बताउनुभयो ।