आईसिँ तामाङ,काठमाडौँ
“राष्ट्रियका लागि खेलकुद, स्वास्थ्यका लागि खेलकुद” भन्ने मूल नाराका साथ राजधानी काठमाडौँमा आयोजना गरिएको इन्टरनेसनल रेस्लिङ गेम अत्यन्तै भव्य र उत्साहपूर्ण वातावरणमा सम्पन्न भएको छ।
रिजन क्षेत्री (काभ्रे) र सानोबाबु तामाङ बमजन (काठमाडौँ) द्वारा आयोजित प्रतियोगितामा विभिन्न खेलकुद संघ–संस्थामा आबद्ध पदाधिकारी, राष्ट्रिय तथा अन्तर्राष्ट्रिय स्तरका खेलाडी, समाजसेवी तथा सर्वसाधारणको उल्लेखनीय उपस्थिति रहेको थियो । खेलकुदप्रति बढ्दो आकर्षण र अन्तर्राष्ट्रिय मैत्री सम्बन्वलाई प्रवद्र्धन गर्ने उद्देश्यसहित गरिएको यो कार्यक्रमले दर्शकमाझ रोमाञ्चक वातावरण सिर्जना गरेको थियो। नेपाली र भारतीय खेलाडीबीच भएका मुख्य प्रतिस्पर्धाहरू भएका थिए ।

मुख्य खेलहरूमा सोल स्याडी र जोन बृजको भीडन्तमा जोन बृज विजयी भएको छन । अजीङ्गर र कीङ्ग कोब्राको भीडन्तमा अजीङ्गर विजयी भएको छ । बाबाबुइ र मारुतीको खेलमा मारुती डीस्क्वालिफाइ भएका छन । त्यसैगरी ज्वाला र कोब्राको खेलमा ज्वाला विजयी भएको छ ।लेडी ड्रागन र चौभानको खेलम, लेडी ड्रागन विजयी भएका छन । दर्शकले अत्यधिक रुचाएका यी भिडन्तहरूमा खेलाडीहरूको फिटनेस, फाइट स्किल र खेल भावना प्रशंसनीय देखिएको छ ।

कार्यक्रमका क्रममा उत्कृष्ट प्रदर्शन गर्ने नेपाली तथा भारतीय खेलाडीहरूलाई प्रमाणपत्र तथा सम्मानपत्र सहित सम्मान गरिएको आयोजक समितिका प्रमुख रिजन क्षेत्री र सानोबाबु तामाङले जानकारी दिनु भएको छ। आयोजकद्वय रिजन क्षेत्री र सानोबाबु तामाङ बमजनका अनुसार कार्यक्रमले दुबै देशबीचको खेलकुद मैत्री सम्बन्धलाई थप मजबुत बनाएको छ।
यससँगै काठमाडौँमा सम्पन्न इन्टरनेसनल रेस्लिङ गेमले आगामी दिनमा अझ ठूला प्रतियोगिता आयोजना गर्ने प्रेरणा मिलेको आयोजकहरूले बताएका छन ।