जनतापत्र, सिन्धुपाल्चोक ।
अध्यक्ष कप शिक्षक भलिबल प्रतियोगिताको उपाधी आयोजक जुगल गाउँपालिकाले जितेको छ । जुगल गाउँपालिकाको आयोजनामा भएको सो प्रतियोगिताको फाइनलमा मेलम्ची नगरपालिकालाई २–० को सोझो सेटमा पराजित गर्दै उपाधि चुमेको हो ।
जुगलले ५० हजार नगद सहितको उपाधि पालिकामै राख्न सफल भएको छ । उपबिजेता भएको मेलम्चीले भने ३० हजार हात पारेको छ । जिल्ला भित्रका ९ स्थानीय तहका १० टोली सहभागी प्रतियोगितामा पाँचपोखरी थाङ्पाल गाउँपालिका भने तेस्रो भएको गाउँपालिका शिक्षा शाखा प्रमुख प्रदिप पराजुलीले जानकारी दिनुभयो । उसले पनि २० हजार नगद सहित सहित शिल्ड, मेडल र प्रमाण पत्र पाएको छ ।
बिजेता टोलीलाई गाउँपालिका अध्यक्ष रेसम स्याङ्बाले पुरस्कार बितरण गर्नुभएको थियो ।