जनतापत्र,चौतारा ।

काठमाडौंको टोखास्थित झोरमा ट्रकमा भेटिएको २५ करोड बराबरको डलर र युरोको मालिक पहिचान भएको छ ।
प्रहरीको इन्टिलिजेन्स र विज्ञ अनुसन्धानबाट शंका गरिएका व्यक्तिको पहिचान खुलेको हो ।
प्रहरीको अनुसन्धानबाट बरामद भएकोे ठूलो परिमाणको रकम सिन्धुपाल्चोकको भोटेकोशी गाउँपालिका–४ का विवादास्पद व्यवसायी नारायण पौडेलको रहेको प्रहरीले जनाएको छ ।
उनी यसअघि पनि पटक–पटक रक्तचन्दन तस्करीलगायतका कारोबारमा विवादमा परेका थिए ।
घटना लगत्तै उनको नाममा पक्राउ पुर्जी जारी भइसकेको प्रहरीले जनाएको छ ।
गत चैत ४ गते राति ना ७ ख १६५२ नम्बरको ट्रकमा लुकाएर लाँदै गरेको अवस्थामा प्रहरीले सिन्धुपाल्चोकका ४३ वर्षीय चालक कुसान लामालाई पक्राउ गरेको थियो । भोटेकोशी गाउँपालिका–१ का लामालाई चालक सिट पछाडि फल्स बटम बनाएर रकम राखेको अवस्थामा प्रहरीले पक्राउ गरेको थियो ।