जनतापत्र,चौतारा ।
श्री कृष्ण रत्न गंगा माध्यामिक विद्यालयको व्यवस्थापन समितिको अ
ध्यक्षमा ईश्वरीप्रसाद श्रेष्ठ प्यानलले विजय प्राप्त गरेको छ ।
माओवादीको तर्फबाट लडेको ईश्वरीप्रसाद श्रेष्ठको नेतृत्वले विव्यसको सम्पूर्ण पदमा विजय प्राप्त गरेको हो ।
जिल्ला सदरमुकाम चौतारामा रहेको जेठो विद्यालयको रुपमा श्रीकृष्ण रत्नगंगा माध्यमिक विद्यालयलाई चिनिने गरिन्छ ।
शनिबार सम्पन्न निर्वाचनमा दुई प्यानल र दुई स्वतन्त्र उठेका उम्मेदवारहरुले चुनाव चिन्हसहित अभिभावक मतदातासित भोट मागेर श्रेष्ठको प्यानलले चुनाव जितेका हुन् ।
चौतारा साँगाचोकगढी नगरपालिका ५ स्थित श्रीकृष्ण रत्नगंगा माध्यमिक विद्यालयमा अभिभावकहरुले विद्यालय व्यवस्थापन समितिको निर्वाचनमा मतदाता बनेर उम्मेदवारहरुलाई मत खसालेका छन् ।
ईश्वरीप्रसाद श्रेष्ठले ३ सय ५८ मत, राजन बुढाथोकीले ३ सय ९६ मत, लक्ष्मी श्रेष्ठले ३ सय ८२ मत र निर्मला श्रेष्ठले ३ सय ८२ मत पाएर विजयी हासिल गरेका हुन् भने अर्का उम्मेदवार निमेष श्रेष्ठले ३ सय २२ मत, निमा ग्याल्जेन लामाले २ सय ७७ मत, विन्दा गिरी पुरीले ३ सय २४ मत र लजिता श्रेष्ठले ३ सय ३९ मत प्राप्त गरेका थिए । त्यस्तै स्वतन्त्र उम्मेदवार संसार श्रेष्ठले ६० मत र रविन श्रेष्ठले ४५ मत पाएका छन् । कुल १ हजार ३ सय ८९ मतदातामध्ये ८ सय ६४ जना अभिभावकले मतदानमा सहभागी भएर मतदान गरेका थिए ।