जनतापत्र, मेलम्ची ।
मेलम्ची नगरपालिका वागमती प्रदेशका पालिकाहरू मध्ये दोस्रो उत्कृष्ट पालिका बन्न सफल भएको छ ।
विगत ३ वर्षको श्रम तथा रोजगारीको क्षेत्रमा गरेको कार्यसम्पादनको आधारमा मेलम्ची नगरपालिका वागमती प्रदेश भरीका ११९ पालिकाहरू मध्ये दोस्रो उत्कृष्ट पालिका भएको हो ।
दोस्रो उत्कृष्ट पालिका बन्न सफल भएकै कारण मेलम्ची नगरपालिका रोजगार संयोजक श्री रन्जन श्रेष्ठले धुलिखेलमा सञ्चालित सम्मान कार्यक्रममा सम्मान समेत पाउनुभएको छ ।

उत्कृष्ट पालिका छनोटका लागि रोजगार संयोजकको विगत ३ वर्षको कार्यसम्पादन मुल्याङ्कन, विगत ३ वर्षको विनियोजित बजेटमा गरिएको खर्च भएको थियो । त्यस्तै रोजगार योजना सञ्चालनमा नगरपालिकाले गरेको साझेदारी र समन्वय तथा रोजगार ब्यवस्थापन सूचना प्रणालीमा गरेको डाटा प्रविष्टि र प्रभावकारी उपयोगलाई आधार बनाइएको थियो।
उत्कृष्ट पालिकामा ललितपुर महानगरपालिका प्रथम पालिका बन्न सफल हुँदा मेलम्ची नगरपालिका दोस्रो र गल्छि गाउँपालिका तेस्रो पालिका बन्न सफल भएको हो ।