बाह्रबिसे–३ मा बिपन्न आमाहरूलाई बाख्रा वितरण तथा अन्तरक्रिया


जनतापत्र, सिन्धुपाल्चोक ।
बाह्रबिसे नगरपालिका–३ स्थित बाह्रबिसे स्वास्थ्य चौकी तथा प्रसूति केन्द्रमा आज बहुक्षेत्रीय पोषण कार्यक्रम अन्तर्गत सुनौलो हजार दिन कार्यक्रमअन्तर्गत बाख्रा पालनसम्बन्धी अन्तरक्रिया तथा बाख्रा वितरण कार्यक्रम सम्पन्न गरिएको छ।

कार्यक्रममा बिपन्न तथा लक्षित वर्गका २८ घरधुरीलाई ५८ वटा बाख्रा वितरण गरिएको थियो। बाख्राहरू बाह्रबिसे नगरपालिकाका नगरप्रमुख बालकृष्ण बस्नेतको प्रमुख आतिथ्यता सम्पन्न भएको हो । कार्यक्रममा वडा नं. ३ का अध्यक्ष जीवनकुमार भण्डारी समेत उपस्थीति रहेको थियो ।
कार्यक्रममा सहभागी आमाहरूलाई बाख्रा पालनको महत्व, पोषण सुरक्षामा पशुपालनको योगदान, तथा सुनौलो हजार दिन अवधिमा पोषणसम्बन्धी व्यवहार परिवर्तनका विषयमा जानकारीमूलक छलफल र अन्तरक्रिया गरिएको थियो।

यस कार्यक्रमबाट बिपन्न परिवारहरूलाई आर्थिक सशक्तिकरणसँगै पोषण सुरक्षामा टेवा पुग्ने विश्वास लिइएको छ।

१६ श्रावण २०८२, बिहीबार १५:४०