जनतापत्र,चौतारा ।
नेपाली कोदोको रक्सी संरक्षणको लागि राज्यले तत्काल नीति निर्माण गर्नुपर्ने र तत्कालका लागि कोदोबाट बनेको रक्सीलाई नोक्सान नगर्न अनुरोध गरेको छ ।
कोदोको रक्सी संरक्षण तथा व्यवस्थापन समितिले कोदोको रक्सी निर्यात तथा बजार व्यवस्थापनको राम्रो माग गर्नुपर्ने, रक्सी उत्पदन र गुणस्तर मापनका लागि वैज्ञानिक विधि अपनाउने लगायत विभिन्न मागहरु अघि सारेको छ ।
बुधबार रिपोर्टर्स क्लब नेपालमा पत्रकार सम्मेलन गर्दै समिलिते आउँदो आर्थिक वर्षबाट नै कानून बनाई कार्यान्वयन गरिनुपर्ने माग राखेको छ ।
कोदो र मर्चाको प्रयोग गरी गाउँघरमा परम्परागत तरिकाबाट बनाईएको रक्सीको बिक्रि वितरणमा रोक नलगाउन समेत समितिले अनुरोध गरीएको छ ।
कोदोको रक्सीको लागि कम्पनी तथा उद्योग स्थापना गर्नलाई तत्काल सहुलियत ऋणको व्यवस्था मिलाउन समेत सरकार समक्ष माग गरेको छ ।
संघीय सरकारका पूर्व कानूनमन्त्री शेरबहादुर तामाङ र छिरिङ ग्याल्बु लामाको संयोजकत्वमा ३७ सदस्यीय राष्ट्रियस्तरको ‘नेपाली कोदोको रक्सी संरक्षण तथा व्यवस्थापन समिति’ गठन गरिएको जानकारी गराएको छ ।
एमालेका नेता एवम् समितिका प्रमुख संरक्षक शेरबहादुर तामाङले आफ्नो देशको उत्पादनलाई चिन्नको लागि नेपाली राक्सीलाइ ब्राण्ड बनाउन नसकेकोमा चिन्त व्यक्त गर्नु भएको छ ।
आफ्नो देशको स्वदेशी उत्पादनलाई बजारमा ल्याउन नसकिएसम्म देश धनी नबन्ने ठोकुवा समेत गर्नु भएको छ ।
२० चैत्र २०८१, बिहीबार १५:५३
