जनतापत्र, चौतारा ।

धार्पा युवा क्लबले चौथो संस्करणको मालिकादेवी कप खुल्ला सेभेन ए साइड फुटबल प्रतियोगिताको उपाधि माथी कब्जा जमाएको छ ।
सुनकोशी बी लाई ३–० गोलले हराउँदै धार्पा च्याम्पियन बनेको हो। मेलचौरस्थित दरबार डाँडा खेल मैदानमा शनिबार फाइनल खेल भएको थियो ।
पहिलो हाफमा १–० को अग्रता बनाएको धार्पाले दोस्रो हाफमा थप २ गोल गर्दै उपाधीमाथी कब्जा जमाएको हो ।

च्याम्पियन धार्पाले नगद एक लाख ५५ हजार ५५५ र ट्रफी जित्न सफल भएको थियो ।
त्यस्तै उपविजेताले सुनकोशी बी ले नगद ७७ हजार ७७७ प्राप्त गरेको हो ।
यस्तै, प्रतियोगितामा सागर तामाङ उत्कृष्ट खेलाडी, सन्दीप कार्की सर्वाधिक गोलकर्ता हुन् सफल भए ।
सुसन श्रेष्ठ उत्कृष्ट मिडफिल्डर, उत्कृष्ट गोलकिपर आदेश सिवाकोटी, उत्कृष्ट डिफेन्डर भ्रिगान किरण सिंह, उत्कृष्ट प्रशिक्षक सागर लामा तथा राई एफसीले टिम फियर प्लेको अवार्ड हुन् सफल भए ।
राई एफसीले पाँच हजार पायो भने अन्य ब्यक्तिगत विधाका हरेक खेलाडीले नगद तीन हजार ट्रफी र प्रमाण पत्र प्राप्त गरेका छन् ।