आइसिँ तामाङ, थाङपाल सिन्धुपाल्चोक ।
सिन्धुपाल्चोकको शिक्षामा अब ‘डिजिटल क्रान्ति’ सुरु भएको छ। पाँचपोखरी थाङपाल गाउँपालिका–६ स्थित श्री थाङपालधाप माध्यमिक विद्यालयले विद्यार्थीको उपस्थिति अबदेखि विद्युतीय प्रणालीमार्फत लिने घोषणा गर्दै डिजिटल हाजिरी प्रणाली औपचारिक रूपमा लागू गरेको छ।
अबदेखि विद्यार्थीहरूले कक्षाकोठामा प्रवेश गरेसँगै स्मार्ट कार्ड वा डिजिटल एप प्रयोग गरेर आफ्नो उपस्थिति दर्ज गर्नुपर्नेछ। लामो लाइन, कपी कलमको झण्झट, नक्कली हाजिरीजस्ता समस्या अब इतिहास बन्दैछन्।
आर्थिक वर्षमै गाउँपालिकाभित्रका सबै विद्यालयहरूमा डिजिटल हाजिरी प्रणाली लागू गर्ने स्पष्ट योजना रहेको गाउँपालिका अध्यक्ष टासी लामाले जानकारी दिनु भएको हो ।
शिक्षामा प्रविधिको प्रवेशले विद्यार्थीको उपस्थिति मात्र होइन, शिक्षकको जवाफदेहिता, अभिभावकको विश्वास र विद्यालयको कार्यशैलीमा पारदर्शिता थप हुने अपेक्षा गरिएको छ।