जनतापत्र,चौतारा।

सिन्धुपाल्चोक जिल्लाको पर्यटकीयस्थल मेलम्ची नगरपालिका ९ मा रहेको गुफडाडा क्यौलेठाना आधारभूत विद्यालयको छात्रावास भवनको शिलान्यास गरिएको छ।
मेलम्ची नगरपालिकाका प्रमुख आइतमान तामाङले सो भवनको शिलान्यास गर्नुभएको हो। करिब ६ करोड लागतको डिपिआर तयार भएको र छात्रावास बहुआयामिक हुने र यस वर्ष नगरपालिका बाट विनियोजित ६५ लाखबाट काम हुने नगरपालिकाले जानकारी गराएको छ।
सोही छात्रावास विद्यालयका विद्यार्थी लाई मात्र नभई गुफाडाँडा घुम्न आउने पर्यटकका लागि समेत सेवा दिने गरी निर्माण हुने शिलान्यास गरीएको नगरप्रमुख तामाङले बताउनु भएको हो ।
यसै वर्षबाट सुरु भएको निर्माण कार्य आगामी वर्षहरूमा निरन्तर बजेट विनियोजन गरी सम्पन्न गर्ने योजना रहेको पनि उहाँले जानकारी दिनुभयो।
विद्यालयको शैक्षिक अवस्था सुधार लगायत पर्यटन प्रवद्र्धनका लागि समेद्धधृटिसह्ध्च्द्धवथइड
त टेवा पुग्ने नगरपालिकाको विश्वास गरेको छ।
सोही भवन निर्माणको जिम्मा एस.एस.डि कन्स्ट्रक्सन प्राइभेट लिमिटेडले पाएको छ। ५१ लाख ४५ हजार एक सय छयानब्बे रुपैयाँ छपन्न पैसा मा सम्झौता भएको भवन आर्थिक वर्षको २०८२ सालको जेठ मसान्तभित्र काम गरिसक्नुपर्ने सम्झौतामा उल्लेख गरीएको छ।