जनतापत्र, बलेफी ।
ओख्ले खोला ट्रसपुलको उद्घाटन गरिएको छ ।
बलेफी गाउँपालिका–७ डुम्रेचौर सान्ने र वडा नं. ८ को मजुवा जोड्ने उक्त ट्रसपुलको उद्घाटन गरिएको हो । प्रतिनिधिसभा क्षेत्र नं.–१ का सांसद माधब सापकोटा ‘सुबोध’ ले पुल उद्घाटन गर्दै संरचनाले दुई वडाका बासिन्दाहरूलाई आवागमनमा सहजता ल्याउने र आर्थिक, सामाजिक तथा शैक्षिक विकासमा टेवा पुग्ने बताउनुभयो ।

यो पुल निर्माणले विशेष रूपमा विद्यार्थी, किसान तथा व्यवसायीहरूलाई लाभ पुर्याउने गाउँपालिका अध्यक्ष गंगा बहादुर तामाङको भनाइ छ ।
स्थानिय बासिन्दाहरूको लागि लामो समयदेखिको यातायात कठिनाइ भइरहेको थियो । उक्त समस्याको समाधान भएको भन्दै स्थानियहरु हर्षित भएका छन् ।

कार्यक्रममा बलेफी गाउँपालिकाका अध्यक्ष गंगा बहादुर तामाङ विशेष आतिथ्यता रहेको थियो ।
उद्घाटन समारोहमा स्थानीय जनप्रतिनिधिहरू, सामाजिक अगुवाहरू, विद्यालयका प्रतिनिधिहरू तथा स्थानीय बासिन्दाहरूको सहभागिता थियो ।