जनतापत्र, काठमाडौं, – विद्यालय शिक्षा विधेयकमा शिक्षकहरूको बढुवाका लागि तीन किसिमका व्यवस्था प्रस्ताव गरिएको छ। प्रतिनिधिसभाको शिक्षा, स्वास्थ्य तथा सूचना प्रविधि समिताअन्तर्गत गठन गरिएको परामर्श उपसमितिले सहमतिका आधारमा तयार पारेको सुझाव प्रतिवेदनमा यस्तो व्यवस्था समावेश गरिएको हो।
उक्त प्रतिवेदन समितिको बैठकमा प्रस्तुत गरिएको छ। यसअघि लागू हुँदै आएको आन्तरिक प्रतियोगिता र आवधिक बढुवाको सट्टा अब तीनवटा विकल्पमार्फत शिक्षकहरूको बढुवा गर्ने प्रस्ताव गरिएको हो।
प्रस्तावित तीन विधिहरू यस प्रकार छन्:
- आन्तरिक प्रतियोगिता – योग्य शिक्षकहरूबीच प्रतिस्पर्धा गराई बढुवा दिने व्यवस्था।
- जेष्ठता र कार्यसम्पादन मूल्यांकन – सेवा अवधि तथा विगतको कार्यसम्पादनको मूल्यांकनका आधारमा बढुवा।
- कार्यक्षमताको मूल्यांकन – शिक्षकको पेशागत क्षमताको मूल्यांकन गरी बढुवा दिने प्रावधान।
यी प्रस्तावहरू अझै छलफलकै चरणमा रहेका छन्। अन्तिम निर्णय समितिको विस्तृत छलफलपछि हुनेछ। प्रस्तावित व्यवस्थाबाट शिक्षण पेशामा सुधार ल्याउने र योग्य जनशक्ति आकर्षित गर्ने अपेक्षा गरिएको छ।
२३ श्रावण २०८२, बिहीबार १५:११
