राजेश स्पन्दन

बिरानो छ शहर, सँगैका यारहरू हराएर
आजभोलि मायाका व्यापारहरू हराएर

के खोज्दै डुल्दै छ ऊ बनाएर दिनरात एक
सायद खोजेको हुनुपर्छ संसारहरू हराएर

भगवान् मौन छन्, दैत्यको राज्य चलेकाले
कहिले जालान् समाजका बिमारहरू हराएर

यो लोक र परलोकको एउटै कथा सकिन्छ
जब जान्छ लोक परलोकको जङ्घारहरू हराएर

शायद अब त म पनि हराउनु पर्ला बिस्तारै
रहेनन् बाँकी केही गए सबै आधारहरू हराएर ।

भक्तपुर

(साहित्यपोस्टबाट)